ԴԱՇՏԱՅԻՆ ԴԵՂԱՏՈՒՓԻ ՊԱՐՏԱԴԻՐ ԱՌԱՐԿԱՆԵՐԻ ՀԱՄԱՌՈՏ ՑԱՆԿԸ
Վիրավորվելուց հետո առաջին հինգ րոպեները կենսական նշանակություն ունեն: Վիճակագրությունը ցույց է տալիս, որ այս ընթացքում բժշկական օգնություն ստանալը կարող է 50%-ով ավելացնել ողջ մնալու հավանականությունը:Հաշվի առնելով այս գաղափարը, տարբեր պետություններ մշակել են առաջին բուժ-օգնության անհատական մարտական դեղատուփ, որի իմաստը տեղում, առանց բժշկական պատրաստության, ծառայակցին անհապաղ բժշկական օգնություն ցուցաբերելն է։ Այն ապահովում է վիրավորին օգնություն ցուցաբերել երկու հիմնական վնասվածքների դեպքում՝ ծանր արյունահոսության և շնչառական ուղիների անբավարարության։
Դեղատուփի պայուսակը (գոտեպայուսակը) արագ ամրացման համակարգի միջոցով կարելի է կրել գոտու, ոտքի կամ բաճկոնի վրա:
ՌԴ
Անհատական դեղատուփ АИ-3-1ВС՝ մարտական պայմաններում վերքերի և այրվածքների ժամանակ ինքնա - և փոխօգնության կարգով անհետաձգելի օգնություն ցուցաբերելու համալիր միջոց, բաղկացած հետևյալ բժշկական առարկաներից.
- ցավազրկող - 1 մլ ներարկիչ-պարկուճ՝ 2 հատ;
- АВ-3 տիպի անհատական վիրակապային փաթեթ՝ 1 հատ;
- արյունահոսությունը դադարեցնող լարան՝ 1 հատ;
- հակադոտ՝ ֆոսֆորային նյութերով թունավորման դեպքում;
- ճառագայթային պաշտպանության միջոց;
- հակաբիոտիկ;
- հակափսխումային միջոց:
Գոյություն ունի նաև նմանատիպ դեղատուփ՝ АИ-3-2сп, որն առանձնանում է ընդլայնված կոմպլեկտավորմամբ (մոտ 30 անվանում) և նախատեսված է մեծ թվով տուժածների օգնություն ցուցաբերելու համար:
Ջոկի/դասակի առաջին օգնության դեղատուփ (զորային բժշկական պայուսակ ԶԲՊ (СМВ)): Նախատեսված է վիրավորներին առաջին բուժօգնություն ցուցաբերելու համար: Այն պարունակում է.
- տարատեսակ հակադոտներ (1 մլ ներարկիչ-պարկուճ կամ սրվակ)՝ 20 պարկուճ/ սրվակ, 3 տուփ հաբեր;
- հոգեստիմուլատորներ (0.01 գ հաբերի տեսքով)՝ 2 տուփ;
- տրանկվիլիզատորներ (0.0005 գ հաբերի տեսքով,)՝ 1 տուփ;
- ռադիոպրոտեկտորներ ամինաթիոլների խմբից (0.2 գ հաբերի տեսքով)՝ 20 տուփ;
- ֆենոթիազինի շարքի նեյրոլեպտիկներ (0.006 հաբերի տեսքով)՝ 3 տուփ;
- հակաբիոտիկներ (0.1 գ ակտիվ նյութ պարկուճներում)՝ 5 փաթեթ;
- ամոնիակի սպիրտ սրվակներում;
- սոդա;
- կոֆեին;
- անալգետիկներ (թմրանյութ չպարունակող, ցավազրկող, ջեմությունը իջեցնող, ոչ ստերոիդային հակաբորբոքային և հակառեվմատիկ դեղամիջոց);
- բրոնխոլիտիկ միջոցներ հաբերի տեսքով;
- շնչառական խողովակ TD-1;
- վիրակապեր;
- արյունահոսությունը դադարեցնող լարան;
- նոթատետր;
- մատիտ;
- այգեպանի դանակ:
ԱՄՆ
Առաջին օգնության անհատական դեղատուփ (the Individual First Aid Kit, IFAK) մեծացնում է մարտիկի ինքնա - և փոխօգնության անհատական հնարավորությունները: IFAK-ն 450 գրամ է և բաղկացած է հետևյալ բժշկական առարկաներից, որոնք փաթեթավորված են MOLLE գոտեպայուսակում.
- գոտեպայուսակ՝ 1հատ;
- արյունահոսությունը դադարեցնող լարան՝ 1հատ;
- առաձգական (էլաստիկ) բինտերի հավաքածու՝ 1հատ;
- բինտ GA4-15x300սմ՝ 1հատ;
- վիրաբուժական սոսնձվող ժապավեն ՝ 1հատ;
- քիթ-կոկորդային շնչուղիների համար նախատեսված հավաքածու՝ 1հատ;
- վիրաբուժական ձեռնոցներ՝ 4 հատ;
- մարտական մառլյայե վիրակապ՝ 1հատ:
Առաջին օգնության կատարելագործված անհատական դեղատուփ (AFAK), բացի IFAK-ի առարկաներից, առկա է.
- 4x4մ գլանային մառլյա;
- անհետաձգելի վնասվածքաբանական վիրակապ;
- կրկնակի փաթեթավորված պլաստիր-ապլիկատոր;
- յուղապատ շնչառական խողովակ;
- շտապ օգնության մկրատ;
- ջերմամեկուսիչ ծածկոց կենսունակություն պահպանելու համար;
- վիրավորի հաշվառման քարտ;
- մարկեր-ֆլոմաստեր՝ 1հատ:
Ջոկի/դասակի առաջին օգնության դեղատուփ.
- 15սմ մկրատ շտապ բժշկական օգնության համար;
- ֆլոմաստեր կամ մարկեր;
- բժշկական ձեռնոցներ՝ 2 զույգ;
- քիթ-կոկորդային խողովակ օդուղիների համար՝2 փաթեթ;
- մարտական տուրնիկետ՝ 2 հատ;
- օդափոխության խտացված խցիկ՝ 2 հատ;
- կոմպրեսիոն մարլյա ՝2 փաթեթ;
- տրավմատիկ վիրակապ՝2 փաթեթ;
- ջերմամեկուսիչ ծածկոց ՝2 փաթեթ;
- վիրավորների խնամքի մարտավարական քարտեր՝ 2 հատ:
ԵՄ
Նույնական է IFAK-ին, նորույթ են.
- արյունահոսությունը կանգնեցնող Celox միջոցը, որի հիմքը հանդիսանում է խիտոզանը: Վերջինս կարող է դադարեցնել նույնիսկ արտերիալ ծագում ունեցող արյունահոսությունը: Ներկայացվում է երեք տեսականիով (ապլիկատոր, փաթեթ և մառլյայե ներծծված վիրակապ);
- վարակների հնարավոր տարածումը չեզոքացնելու համար ոչ ալկոհոլային հիմքով պաշտպանիչ սփրեյ: Որպես կանոն օգտագործվում է լորձաթաղանթները պաշտպանելու համար, ինչպիսիք են աչքերը և բերանը;
- ածելի և կծվածքից թույնը հեռացնող տարբեր չափի սարքեր:
Ջոկ / դասակի համար.
- դյուրակիր ինֆուզիոն պոմպ;
- թեթևացված, մեկանգամյա, պլաստիկ, թույլ լուսավորությամբ լարինգոսկոպ;
- կոտրվածքների նվազեցման և անշարժացման համար դյուրատար, թեթև բեկակալներ: